Azərbaycan şərabları "Prowein" sərgisində təqdim olunacaq

18 Mart 2017 13:34 (UTC+04:00)

İqtisadiyyat Nazirliyindən AzNews.az-a verilən məlumata görə, 19-21 mart tarixlərində keçiriləcək “Prowein” sərgisində İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə Azərbaycan şərabları və spirtli içkiləri təqdim ediləcək.

Qeyd edək ki, İqtisadiyyat Nazirliyi tərəfindən Düsseldorfda keçiriləcək “Prowein” sərgisində iştirak edən şirkətlərin seçilməsi üçün müsabiqə keçirilib və 9 şirkət sərgidə iştirak hüququ qazanıb. “Prowein” sərgisində “Made in Azerbaijan” vahid ölkə stendinin təşkili xərcləri Azərbaycan Respublikası Prezidentinin 5 oktyabr 2016-cı il tarixli Fərmanına uyğun olaraq, dövlət tərəfindən qarşılanır.