“Bakıdakı rus agenturasına “hazırlıq vəziyyəti” elan edilib”
4 Fevral 2013 11:35 (UTC+04:00)
"Mən bilirəm ki, Rusiyanın Azərbaycandakı agentura şəbəkəsinə bir nömrəli "hazırlıq vəziyyəti" elan edilib. Onlar da kifayət qədər çoxdurlar".
Bu sözləri Modern.az-a açıqlamasında politoloq, Azərbyacan prezidentinin keçmiş müşaviri Qabil Hüseynli Moskvanın ölkəmizlə bağlı planlarının mövcudluğu barədə səslənən rəyləri şərh edərkən bildirib.
Rusiyanın Azərbaycanla bağlı siyasətinə aydınlıq gətirən politoloqun fikrincə, şimal qonşumuzun agentura şəbəkəsi ölkəmizdə fəaliyyətini gücləndirib.
"Bunlar SSRİ dönəmindən qalma, Rusiyada ələ keçirilib Azərbaycana göndərilmiş şəxslərdir. Bunlar içində azərbaycanlılar da yer alır. Ölkədə son zamanlar sabitliyin pozulması istiqamətində Rusiyanın xüsusi xidmət orqanlarının kifayət qədər rolu var"-deyə vurğulayıb.
AzNews.az