Aİ xüsusi nümayəndəsi Bakıya gəlir

4 Fevral 2013 22:36 (UTC+04:00)

Aİ-nin Cənubi Qafqazda münaqişələr üzrə xüsusi nümayəndəsi Filipp Lefor çərşənbə axşamı Bakıya gəlir. Bu barədə Turan-a Aİ-nin nümayəndəliyindən bildiriblər.

Fevralın 6-da Leforun prezident İlham Əliyev və XİN rəhbəri Elmar Məmmədyarovla görüşü planlaşdırılıb.

Bir müddət əvvəl Aİ-nin Azərbaycandakı missiyasının rəhbəri Rolan Kobia bildirib ki, görüşdə digər məsələlərlə yanaşı, Xocalı aeroportunun fəaliyyəti ehtimalı ilə bağlı müzakirələr aparılıb.

"Biz beynəlxalq hüquq və normalar çərçivəsində hərəkət etməyin və problemlərin dialoq yolu ilə həllinin tərəfdarıyıq və regionda gərginlik yaradılmasının əleyhinəyik", deyə Kobia bildirib.