Göygöldə iki qadın 70 yaşlı kişini döydü

14 May 2017 16:54 (UTC+04:00)

AzNews.az Apa-ya istinadən xəbər verir ki, hadisə rayonun Üçtəpə kəndində qeydə alınıb.

Daşkəsən rayon sakini 1947-ci il təvəllüdlü Əliyev Əli kənddə olan bağ sahəsində iki qadının heyvan otardığını görüb. Onlara etiraz edən kişi qadınlar tərəfindən ağacla döyülüb. Müxtəlif bədən xəsarətləri alan 70 yaşlı Ə. Əliyev xəstəxanaya yerləşdirilib.

Faktla bağlı hüquq mühafizə orqanları tərəfindən araşdırma aparılır.