“TAP”ın tikintisi plana uyğun gedir - "Snam" şirkətindən açıqlama

29 May 2017 11:38 (UTC+04:00)

AzNews.az “Trend”ə istinadən xəbər verir ki, bu barədə “TAP”ın səhmdarlarından biri olan "Snam" şirkətindəki mənbə açıqlama verib.

O qeyd edib ki, zeytun ağaclarının təhlükəsiz köçürülməsindən sonra kiçik tunellərin tikintisi üçün meydan hazırlanıb.

Mənbə bildirib ki, TAP və ümumilikdə "Cənub Qaz Dəhlizi" həm İtaliya, həm də bütün Avropa üçün çox mühüm layihədir:

"Cənub Qaz Dəhlizi" gələcəkdə Avropaya qaz tədarükü mənbələri və marşrutlarının şaxələndirilməsi, eləcə də tədarükün təhlükəsizliyini gücləndirmək üçün konkret imkanlar təqdim edir".

O əlavə edib ki, "Snam" şirkəti öz təcrübəsi və imkanları ilə layihənin həyata keçirilməsi ilə bağlı müvafiq icazələrin alınması prosesində TAP-a dəstək verir və Xəzər qazının Avropaya nəzərdə tutulan müddətdə çatdırılmasını təmin etmək məqsədilə İtaliyada layihənin idarə edilməsi üzrə xidmətlər göstərir.

AzNews.az