Bakıda qəza: bir nəfər ölüb
10 Fevral 2013 13:40 (UTC+04:00)
AzNews.az-ın-Fövqəladə Hallar Nazirliyinin saytına istinadən verdiyi xəbərə görə, Bakının Yasamal rayonunda "OPEL" markalı minik avtomobili yoldan çıxaraq yolun kənarındakı dirəyə çırpılıb. Nəticədə minik avtomobilinin sürücüsü xəsarət alıb, onun sərnişini, 1966-cı il təvəllüdlü Qasımova Nəzirə Zakir qızı isə hadisə yerində ölüb.
Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə yaralını, həmçinin N.Qasımovanın cəsədini deformasiyaya uğramış nəqliyyat vasitəsindən çıxarıblar.
AzNews.az