Tehranda reyd zamanı 80 nəfər həbs edilib

14 Fevral 2013 11:28 (UTC+04:00)
İranın paytaxtı Tehranda ictimai təhlükəsizliyi təmin etmək məqsədilə polis küçələrdə, parklarda və başqa ictimai yerlərdə onuncu dəfə reyd keçirib.

APA-nın məlumatına görə, reydlər zamanı oğurluq etməkdə, ədəb və İslam qaydalarını pozmaqda, quldurluqda təqsirləndirilən 80 nəfər həbs edilib.

Əhaliyə ibrət olması üçün reydlər zamanı həbs edilənlər şəhərlərin mərkəzlərində, ictimai yerlərdə piyada və avtomobillərlə gəzdirilib. Bədənlərində döymə olanların paltarlarını soyunduraraq əhaliyə nümayiş etdiriblər.

AzNews.az