AzNews.az Apasport-a istinadən xəbər verir ki, Berlində şahmat tacına iddiaçıların turnirində bu gün II dövrəyə start veriləcək. Apasport.az saytının məlumatına görə, yarışın VIII turunda azərbaycanlı qrossmeyster Şəhriyar Məmmədyarov Sergey Karyakinlə qarşılaşacaq.
İlk turda rəqibini qara fiqurlarla məğlub edən təmsilçimiz bu dəfə “ağ”larla oynayacaq. O, qalib gələcəyi halda, yenidən birinci pilləyə şərik ola bilər. Çünki lider Fabiano Karuana VIII oyun günündə Uesli Soya qarşı qara fiqurlarla mübarizə aparacaq.
VIII tur
Aleksandr Qrişuk (2767, Rusiya) - Vladimir Kramnik (2800, Rusiya)
Şəhriyar Məmmədyarov (2809, Azərbaycan) - Sergey Karyakin (2763, Rusiya) - 0.5:0.5
Liren Dinq (2769, Çin) - Levon Aronyan (2794, Ermənistan)
Uesli So (2799, ABŞ) - Fabiano Karuana (2784, ABŞ)
Turnir cədvəli: Karuana - 5 xal; Məmmədyarov – 4,5; Qrişuk, Kramnik, Dinq - 3,5; Karyakin - 3; Aronyan, So – 2,5