Trend-in məlumatına görə, Sacur çayında yerləşən Türkiyə ordusu bölgədə ABŞ qüvvələri ilə birgə əməliyyatlara başlayıblar.
Qeyd edək ki, bir qədər əvvəl baş nazir Binəli Yıldırım ABŞ-la Türkiyə arasında 90 günlük razılaşmanın əldə olunduğunu açıqlamışdı. Razılaşma Menbiçdən PYD və YPG silahlılarının təmizlənməsini nəzərdə tutur.
***
16:21
Türkiyə hərbçiləri Suriyanın şimalındakı Menbiç şəhərinin kənarına doğru irəliləyib.
APA-nın xəbərinə görə, bu barədə NTV telekanalı məlumat yayıb. Türk hərbi qüvvələrinin ABŞ-la razılaşma çərçivəsində Menbiçin kənar məhəllələrinə daxil olduğu xəbər verilir.
Qeyd edək ki, Menbiç PKK terror təşkilatının Suriya qolu PYD-YPG qruplaşmasının nəzarətində idi. Ərazidə ABŞ hərbi kontingenti də var. Türkiyə və ABŞ arasında əldə olunan razılığa əsasən PYD-YPG qüvvələri bölgədən çıxarılacaq və ərazidə iki müttəfiq ölkənin hərbçiləri keşik çəkəcək. Daha sonra ABŞ və Türkiyə Menbiçdə yerli idarəetmə orqanlarını formalaşdıracaq.
AzNews.az