APA-nın cənub bürosunun xəbərinə görə, meyit FHN-in Kiçik Həcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən aşkarlanıb.
Qeyd edək ki, hadisə R. Həbullayev balıq tutmaq istəyərkən ehtiyatsızlıqdan baş verib.
Faktla bağlı araşdırma aparılır.
***
13:29
Fövqəladə Hallar Nazirliyi Lerik sakininin göldə batması barədə məlumat yayıb.
APA-nın FHN-in saytına istinadən verdiyi məlumata görə, nazirliyin Böhran Vəziyyətlərində İdarəetmə Mərkəzinə daxil olmuş məlumata əsasən, Lerik rayonunun Piran kəndi ərazisində süni göldə 1 nəfərin batdığı ehtimal olunur.
FHN-in Kiçik Həcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
***
13:11
Lerikdə gənc oğlan çayda batıb.
APA-nın cənub bürosunun məlumatına görə, hadisə Lerikin Piran kəndi ərazisindən axan çayda baş verib.
Çayda batan Ramin adlı gəncin meyitinin tapılıb çıxarılması istiqamətində iş aparılır.
AzNews.az