AzNews.az AZƏRTAC-a istinadən xəbər verir ki, Abşeron rayon icra hakimiyyətinin başçısı İradə Gülməmmədova Məmmədli kənd məscidinin vəziyyəti ilə yaxından tanış olub. Məscidin təmiri ilə əlaqədar müvafiq təşkilatlara göstəriş verilib. Bildirilib ki, tezliklə təmirlə bağlı layihə-smeta sənədləri hazırlanacaq. Təmir işləri zamanı məscidin ilkin görünüşünə xələl gətirməmək üçün mütəxəssislər cəlb ediləcək.