AZƏRTAC rəsmi mənbələrə istinadla xəbər verir ki, xanım səfir Marjanne de Kvaasteniet etimadnaməsini Türkiyə Prezidenti Rəcəb Tayyib Ərdoğana təqdim edəndən sonra qardaş ölkədə rəsmən fəaliyyətinə başlayacaq. Marjanne de Kvaasteniet bundan əvvəl Niderlandın NATO-da rəsmi təmsilçisi olub. O, Türkiyədə maraqlı həyat yaşamağı və iki ölkə arasında münasibətlərin yaxşı məcrada inkişafı üçün çalışa biləcəyinə ümid etdiyini bildirib.
Qeyd edək ki, ötən ilin mart ayından Niderland tərəfinin Türkiyənin hökumət üzvlərinə hörmətsiz hərəkətləri səbəbindən iki ölkə arasında siyasi böhran hökm sürürdü.
AzNews.az