Naxçıvan MR Ali Məclisinin sədrinə qızıl medal verildi

6 May 2013 12:39 (UTC+04:00)
Naxçıvanda Heydər Əliyevin anadan olmasının 90-cı ildönümünə həsr olunmuş yunan-Roma güləşi üzrə gənclər arasında "Naxçıvan Kuboku" uğrunda ənənəvi beynəlxalq turnir başa çatıb.

"Qafqazinfo"nun məlumatına görə, 8 komandanın mübrizə apardığı turnirdə Naxçıvan güləşçiləri ən güclü olub. Finalda Azərbaycan komandası ilə görüşdə 4-4 hesablı heç-heçə qeydə alınsa da, yerli güləşçilərdən birinin təmiz qələbə qazanması görüşün taleyini həll edib. Bununla da Naxçıvan güləşçiləri turniri birinci sırada tamamlayıb. Azərbaycan komandası ikinci, Gürcüstan güləşçiləri isə üçüncü yerdə qərarlaşıb.

Turnir çərçivəsində Azərbaycan Güləş Federasiyasının I vitse-prezidenti Namiq Əliyev Naxçıvan Muxtar Respublikasında güləşin inkişafındakı xidmətlərə görə Naxçıvan MR Ali Məclisinin sədri Vasif Talıbova FİLA-nın qızıl medalı və fəxri diplomunu təqdim edib.

AzNews.az