Səfir: “Azərbaycanın viza ilə bağlı narahatlığına ehtiyac yoxdur“

7 May 2013 16:03 (UTC+04:00)
Rusiyanın Azərbaycandakı səfiri Vladimir Doroxin ölkəsinin rəhbərliyinin MDB-yə daxil olan dövlətlərin vətəndaşlarına qarşı viza rejimin tətbiq edilməsi ilə bağlı fikirlərə münasibət bildirib.

Bu barədə APA-ya açıqlama verən səfir bildirib ki, burada heç bir qorxulu məqam yoxdur: "Azərbaycan və Rusiya arasında miqrasiya və ölkədə qalma kimi məsələlər razılaşdırılıb. Bəzi MDB ölkələri var ki, onların vətəndaşları Rusiyaya şəxsiyyət vəsiqəsi ilə səfər edirlər. Biz istəyirik ki, bu vətəndaşlar ölkəmizə gələrkən xarici pasportlardan istifadə etsinlər. Azərbaycanın bu məsələ ilə bağlı narahatlığına ehtiyac yoxdur".

AzNews.az