İsmət Abbasov: “Mənim vəzifəmdə qalmağımı yalnız bir kişi bilir“

8 May 2013 16:32 (UTC+04:00)

Son günlər mediada kənd təsərrüfatı naziri İsmət Abbasovun "vurulacağına" dair xəbərlər yayılmaqdadır. "Yeni Müsavat" qəzetinin son saylarının birində isə qeyd olunub ki, artıq İsmət Abbasovu əvəzləyəcək şəxsin kimliyi bəllidir. Bu, Prezident Administrasiyasının Aqrar Məsələlər Şöbəsinin müdiri Azər Əmiraslanovdur. Moderator.az-a eksklüziv açıqlamasında kənd təsərrüfatı naziri İsmət Abbasov barəsində yayılan xəbərlərə münasibət bildirib. Nazir deyib ki, onun vəzifədə qalıb-qalmamaq məsələsindən özünün xəbəri yoxdur: "Bunu nə mən nə də hansısa qəzetlər bilə bilməz. Mənim işdən çıxarılmamı, vəzifəmdə qalmağımı yalnız bir kişi bilir. O da cənab Prezidentdir".

"Ölkə rəhbərliyi fəaliyyətinizdən razıdırmı" sualına İsmət Abbasov cavab verə bilməyəcəyini deyib: "Bu barədə mənim özüm danışa bilmərəm".

Nazirlikdəki korrupsiya ittihamlarına gəlincə, İsmət Abbasov deyib ki, bunlar cəfəngiyatdır.

AzNews.az