İTV-də daha bir istefa - ÖZƏL

9 May 2013 14:43 (UTC+04:00)

Mayın 8-də İctimai Televiziya və Radio Yayımları Şirkətində daha bir departament rəhbəri işdən uzaqlaşdırılıb.

AzNews.az-ın əldə etdiyi məlumata görə, həmin şəxs musiqi departamentinin rəhbəri Namiq Abdullayevdir. O, öz ərizəsinə əsasən işdən azad olunub.

Xatırladaq ki, aprelin 23-də İctimai Televiziya və Radio Yayımları Şirkətinə yeni baş direktor seçilib. Bu postu Cəmil Quliyev tutub. Həmin günədək o, "Mədəniyyət" kanalının direktoru olub.

Xəyalə
AzNews.az