Azərbaycanlı iş adamı “Günay“ı bağlatdırdı

9 May 2013 19:27 (UTC+04:00)
Türkiyənin pop-starı Ebru Gündeşin azərbaycanlı əri Rza Zərrab növbəti dəfə bədxərcliyi ilə diqqəti özünə cəlb edib.


"Sabah" qəzeti xəbər verir ki, əslən Güney Azərbaycandan olan R.Zərrab bu dəfə tanınmış ulduzları bir araya yığdığı "Günay" restoranını bağladaraq, kənar müştərilərin ora daxil olmasını əngəlləyib.

E.Gündeşə, həm də öz davranışlarına görə medianın hər zaman diqqətdə saxladığı R.Zərrab bağlatdığı "Günay" restoranında yaxın dostunun ad gününü tanınmış sənətçilərin iştirakı ilə təmtəraqla qeyd edib.

Lakin azərbaycanlı iş adamı ziyafətdən onu çıxışda gözləyən jurnalistlərin əlinə keçməmək üçün restoranı E.Gündeşlə birgə arxa qapıdan tərk edib.

AzNews.az