Reyhanlıda baş vermiş partlayışlarla əlaqədar BƏYƏNAT

13 May 2013 14:24 (UTC+04:00)
Azərbaycan Milli İstiqlal Partiyası (AMİP) Türkiyənin Suriya sərhədi yaxınlığındakı Hatay vilayətinin Reyhanlı məntəqəsində baş vermiş partlayışlarla əlaqədar bəyənat verib.

Partiyanın mətbuat xidmətindən daxil olan bəyənatda ölkənin cənub-şərqində törədilmiş terror aktı nəticəsində baş vermiş çoxsaylı insan tələfatı və yaralanmalar xəbərindən çox sarsıldığı qeyd olunur. AMİP Hatayda törədilmiş terrorizm aktını qətiyyətlə pisləyir və ona qarşı mübarizə yolunu dəstəkləyir.

AMİP baş vermiş faciə ilə əlaqədar həlak olanların ailələrinə, bütün Türk xalqına dərin hüznlə başsağlığı verir, xəsarət alanlara Allahdan şəfa diləyir.

AzNews.az