“Qarabağ“ ölkəni tərk edir
12 İyun 2013 14:43 (UTC+04:00)
"Qarabağ" futbol klubu sabah ölkəni tərk edir.
Avroliqaya hazırlaşmaq üçün qardaş ölkəyə yollanacaq komanda hazırlıqlarının Bakı mərhələsini başa çatdırıb. Sabah səhər Bakı – Ankara reysiylə yola düşəcək komanda axşam Qızılcahamamda məşqə çıxacaq.
Heyət Avroliqanın püşkünə qədər Türkiyədə məskunlaşacaq.
Püşkə əsasən bölgə klubu ilk oyununu evdə keçirməli olsa iyunun 28-i Bakıya qayıtmağı planlaşdırır. Əks halda, Türkiyədən səfər oyununa yollanılacaq.
Qeyd edək ki, Avroliqanın ilk turunun oyunları iyulun 4-ü və 11-i keçiriləcək.
Elvin CanTuran
AzNews.az