Rusiyalı jurnalist döyülərək saxlanıldı - İstanbulda

15 İyun 2013 07:10 (UTC+04:00)
İstanbulun Taksim meydanında rusiyalı jurnalist Arkadi Babçenko döyülərək saxlanılıb.


Saxlanılma jurnalist boş polis maşınlarının şəklini çəkərkən baş verib. Jurnalistin bildirdiyinə görə, mülki geyimdə olan bir qrup polis əməkdaşı yaxınlaşaraq onu saxlayıb və güc tətbiq edib.

Məlumata görə, polislər Babçenkonun pasportu və başqa sənədləri götürüb, onun özü isə xəstəxanaya aparılıb. Xəstəxanada onun polis nəzarətinə götürüldüyü bildirilir. Onun ölkədən deportasiya olunacağı ehtimal olunur.//apa//

AzNews.az