Gürcüstan xeyli təyyarə və yüngül silah satın alıb

22 İyun 2013 21:35 (UTC+04:00)
Bolqarıstan 2012-ci ildə Gürcüstana xeyli sayda təyyarə və yüngül silah satıb.

Bu barədə Bolqarıstanın BMT-nin Adi Silahlar Reyestrinə təqdim etdiyi hesabatında bildirilib.

Hesabat ilində rəsmi Sofiya Gürcüstana 10 ədəd "Su-25" tipli hücum təyyarəsi satdığını açıqlayıb. Hesabatda bu təyyarələrin təmirə ehtiyacı olduğu qeyd edilir.

Bundan başqa, ötən il Bolqarıstan Gürcüstana 40 min ədəd hücum tüfəngi və 10 min ədəd lüləaltı qumbaraatan satışını həyata keçirib.//apa//

AzNews.az