Prezident və xanımı “Alov qüllələri”nin açılışında- Fotolar

24 İyun 2013 12:22 (UTC+04:00)

İyunun 24-də Bakıda, "Alov qüllələri" kompleksindəki "Fairmont Baku" otelinin açılışı olub.

Azərbaycan Respublikasının Prezidenti İlham Əliyev və xanımı Mehriban Əliyeva açılış mərasimində iştirak ediblər.
İlham Əliyev "Fairmont Baku" hotelinin rəmzi açılışını bildirən lenti kəsib.

Oteldə yaradılmış şəraitlə tanışlıq zamanı Azərbaycan Prezidentinə və xanımına məlumat verildi ki, 784 yerlik mehmanxanada 319 nömrə var. Kompleksin 37 mərtəbəli mehmanxana qülləsinin hündürlüyü 163 metrdir. Buradakı konfrans, iclas, idman zalları, restoranlar və s. ən müasir standartlara cavab verir.

Sonra Prezident İlham Əliyev otelin kollektivi ilə görüşüb.O, "Fairmont Baku" mehmanxanasında yaradılmış şəraitdən məmnun olduğunu bildirib

AzNews.az