“Bank of Baku”nun adından ipoteka fırıldaqçılığı

21 Noyabr 2013 13:57 (UTC+04:00)
Bakı şəhər sakini Nəsib Gülməmmədov və Cəbrayıl rayon sakini Mirbaba Səfərovun saxta sənədlər tərtib edərək avtomobilləri girovdan çıxarmaları və aldatma yolu ilə digər şəxslərə satmaları müəyyən edilib

AzNews.az DİN-in saytına istinadən xəbər verir ki, Baş Mütəşəkkil Cinayətkarlıqla Mübarizə İdarəsi əməkdaşlarının keçirdikləri əməliyyat tədbirləri nəticəsində Bakı şəhər sakini Nəsib Gülməmmədov və Cəbrayıl rayon sakini Mirbaba Səfərovun "Bank of Baku" ASC-nin ipoteka müqaviləsi ilə girov altında olan 3 ədəd "Kia-Optima", 1 ədəd "Kia-Sorento", 1 ədəd "Jeep Grand Cherokee" və 1 ədəd "Hyundai" markalı avtomobillərin "Bank of Baku" ASC-nin adından Baş Dövlət Yol Polisinin ünvanına saxta məktublar tərtib etməklə həmin avtomobilləri girovdan çıxarmaları və aldatma yolu ilə digər şəxslərə satmaları müəyyən edilib.

Faktla əlaqədar cinayət işi başlanıb.

AzNews.az