Səhiyyə Nazirliyi, Respublika Gigiyena və Epidemiologiya Mərkəzi Bakı, Sumqayıt şəhərləri və Abşeron rayonu ərazisində ərzaq mağazalarında və şadlıq evlərində olan məhsulların monitorinqinə başlayıb.
Bu barədə AzNews.az-a RGEM-nin Qidalanma bölməsinin müdiri İmran Abdullayev məlumat verib. İlk olaraq, ərzaq mağazalarında süd və süd məhsulları yoxlanacaq. Monitorinq zamanı məhsulların təhlükəsizlik göstəriciləri yoxlanılır.
Analizlərin aparılması üçün həmin məhsullardan 100-ə qədər nümunə götürülüb. Yoxlamaların yaxın bir neçə həftə ərzində başa çatacağı planlaşdırılır.
İ.Abdullayev şadlıq evlərində hazırlanan qida məhsullarından müayinələr üçün nümunələrin götürüldüyünü də bildirdi. Monitorinqin nəticələri sentyabrın 25-də ictimaiyyətə açıqlanacaq.
Müşfiq
Az. News.az