Siyavuş Novruzov iqtidar-müxalifət dialoqundan danışdı
1 Yanvar 2014 13:40 (UTC+04:00)
"İqtidar-müxalifət dialoqunun aparılması üçün hansısa kənar təşkilatın vasitəçiliyinə ehtiyac görmürəm".
Bunu AzNews.az-a açıqlamasında Yeni Azərbaycan Partiyasının (YAP) icra katibinin müavini Siyavuş Novruzov bildirib.
ATƏT-in vasitəçiliyi ilə iqtidar-müxalifət dialoqunun aparılması təşəbbüsünü dəyərləndirən YAP funksioneri deyib ki, ümumiyyətlə, Azərbaycanın siyasi partiyaları arasında dialoqun aparılması üçün kənar vasitəçilərə ehtiyac yoxdur:
"Prezident İlham Əliyev jurnalistlərlə görüşdə də, başqa çıxışlarında da "Azərbaycanın daxili problemlərini özümüzün həll etməliyik" fikrini ortaya qoyub. Yəni hansısa vasitəçiyə ehtiyacımız yoxdur".
O deyib ki, zamanı çatanca iqtidar-müxalifət dialoqu baş tutacaq.
AzNews.az