8 otaqlı ev yandı

7 Yanvar 2014 17:00 (UTC+04:00)
Quba rayonunda yanğın hadisəsi baş verib.

AzNews.az-ın Fövqəladə Hallar Nazirliyinin saytına istinadən verdiyi məlumata görə, Digah kəndində (rayon mərkəzindən 20 km aralı) vətəndaşa məxsus ümumi sahəsi 160 kv.m olan ikimərtəbəli 8 otaqlı evin 2-ci mərtəbəsində 4 otağın və aynabəndin yanar konstruksiyaları 80 kv.m sahədə və 1-ci mərtəbədə 3 ədəd giriş qapısı yanıb. Evin qalan hissəsi yanğından mühafizə olunub.

Yanğın saat 16:01-də yanğınsöndürənlər tərəfindən söndürülüb.


AzNews.az