Nazirlik: “Yayılan məlumatlar tam əsassızdır“
16 Yanvar 2014 09:13 (UTC+04:00)
"Bəzi KİV-lərdə Cəlilabad rayon Əhalinin sosial müdafiəsi mərkəzində ünvanlı dövlət sosial yardımı almaq üçün vətəndaşların sənədlərinin qəbul olunmaması, vətəndaşlara yardım üçün müraciət vaxtının bitdiyinin bildirilməsi, vətəndaşlardan sənədləri qəbul edəcək işçilərin olmaması barədə yayılan məlumatlar tam əsassızdır".
Bunu Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən bildiriblər.
Qeyd olunub ki, Cəlilabad rayon Əhalinin sosial müdafiəsi mərkəzi tərəfindən 2013-cü ilin noyabr-dekabr ayları ərzində 1317 aztəminatlı ailəyə ünvanlı dövlət sosial yardımı təyin edilib və həmin yardımların tam məbləğdə maliyyələşdirilməsi təmin olunub.
Mərkəzdə vətəndaşlardan sənədlərin qəbulu və baxılması, ünvanlı dövlət sosial yardımlarının təyin olunması prosesi heç bir problem olmadan davam etdirilir.
AzNews.az