Gülər Əhmədovadan Elşad Abdullayeva mesaj
23 Yanvar 2014 08:56 (UTC+04:00)
Sabiq millət vəkili Gülər Əhmədovanın Bakı Ağır Cinayətlər Məhkəməsinin hökmündən verdiyi apelyasiya şikayətinə bu gün saat 12-də baxılacaq. Prosesə hakim İlqar Murquzov sədrlik edəcək.
Bu arada dünən G.Əhmədovanın vəkili Əfsər Talıbov ABU-nun sabiq rektoru Elşad Abdullayevin "Yeni Müsavat"a yolladığı müraciətə cavab verib.
Ə.Talıbov bildirib ki, "500.000 min olsaydı videosunda Seva danışır" adlı videogörüntü hüquq müdafiəçisinin ofisində çəkilib və orada iştrak edən Sevinc Babayeva, Lyudmila Məmmədova ,Tavat Şirvanova kamera və mikrafon qarşısında oturduqlarını bilirdilər və bunu etiraf edirdilər:
"Onları çəkilişin aparıldığı ofisə heç kim zor tətbiq etməklə aparmayıb, onlar çəkiliş zamanı sərbəst danışıblar və həmin danışıqların mövzusu heç kim tərəfindən yönləndirilməyib"
Ə.Talıbov bildirib ki, sözügedən videodakı L.Məmmədova, T.Şirvanova bu xüsusatlarla bağlı nə istintaqda , nə də məhkəmə baxışı zamanı dindiriliblər. Vəkilin fikrincə, onlar həmin xüsusatlar üzrə Apelyasiya Məhkəməsində dindirilməlidirlər.
G.Əhmədova vəkili vasitəsi ilə "Elşad Abdullayev, buyur gəl, Apelyasiya Məhkəməsində iştirak et, Gülər Əhmədova ilə üzləş, ifadəni ver, aramizda olan münasibətləri KİV-də deyil, hüquqi müstəvidə həll edək"- deyə mesaj verib.
AzNews.az