2 yaşlı körpə faciəvi şəkildə öldü

25 Yanvar 2014 09:17 (UTC+04:00)

Bu gün gecə saatlarında Xaçmaz rayonunda bədbəxt hadisə baş verib.

Trend-in məlumatına görə, rayonun Uzunoba kəndində 2012-ci il təvəllüdlü Abdullayev Etibar Rəhman oğlunun üzərinə qaynar su dağılıb.

O, dərhal Xaçmaz Mərkəzi rayon Xəstəxanasının travmatologiya şöbəsinə yerləşdirilib. 2 yaşlı xəstəyə başın, gövdənin, aşağı və yuxarı ətrafların 2-ci, 3-cü dərəcəli termik yanığı diaqnozu qoyulub.

Onun vəziyyəti ağır olduğundan paytaxtakı tibb müəssisələrindən birinə göndərilib. Lakin o, yolda dünyasını dəyişib. Hazırda fakt araşdırılır.

AzNews.az