Ramil Usubov şeyxin qohumuna vəzifə verdi

25 Yanvar 2014 17:32 (UTC+04:00)

Daxili İşlər Nazirliyinin İnsan Alverinə qarşı Mübarizə Baş İdarəsinin rəisi vəzifəsinə yeni təyinat aparılıb.

AzNews.az xəbər verir ki, əvvəllər bu vəzifəni tutmuş polis polkovniki Şıxəliyev Cavad Süleyman oğlunun yerinə DİN Mütəşəkkil Cinayətkarlıqla Mübarizə İdarəsində rəis müavini olmuş polkovnik Şərif Əsədullayev təyin edilib. Nazir Ramil Usubovun sərəncamı ilə vəzifəyə təyin edilən Ş.Əsədullayev bu gün kollektivə təqdim edilib.

Məlumatlara görə, Ş.Əsədullayev Qafqaz Müsəlmanları İdarəsinin sədri Şeyxülislam Hacı Allahkürür Paşazadənin qohumudur.

Elnur
AzNews.az