Milli Şuranın sessiyası xəbəri təkzib edildi

30 Yanvar 2014 11:24 (UTC+04:00)

"Milli Şurasının növbəti sessiyasının vaxtı hələ məlum deyil".

Bunu AzNews.az-a Milli Şuranın Hüqüq Komissiyasının sədri Vidadi Mirkamal deyib. Onun sözlərinə görə, fevral ayının 5-ə təyin edilən Milli Şuranın sessiyası deyil, sıradan bir toplantısıdır:

"Fevralın 5-də Milli Şuranın iclası var və həmin iclas AXCP-nin qərargahında baş tutacaq. O ki, qaldı sessiyaya, nəzərdə tutulan işlərin müzakirələri yekunlaşsın və bir qərar verilsin ki, sonra onun vaxtı haqqında düşünək".

Qeyd edək ki, APA Milli Şuranın sessiyasının fevralın 5-də keçirilməsi barədə məlumat yayıb.

Bahar Rüstəmli
AzNews.az