“Azərsu” üçün göydələn tikilir
10 Mart 2014 09:10 (UTC+04:00)
Paytaxtda "Azərsu" ASC üçün yeni ofis binasının tikintisi davam etdirilir.
ASC-nin mətbuat xidmətindən verilən məlumata görə, ofis binası Heydər Əliyev prospektində, Azərbaycan Respublikası Dövlət Neft Şirkətinin tikilməkdə olan yeni inzibati binasının yaxınlığında yerləşir.
Bina 2 mərtəbəsi yeraltı olmaqla 22 mərtəbəlidir. Layihəyə görə, hündürlüyü 124 metr olacaq inzibati binanın sahəsi 36 min 326 kvadratmetr nəzərdə tutulub.
Obyektin tikintisi ötən il başlanılıb və 2015-ci ildə istifadəyə verilməsi planlaşdırılır.
Tenderdə qalib gəlmiş Koreyanın "Halla" şirkəti tikinti-quraşdırma və digər texniki işləri həyata keçirir. Layihənin ümumi dəyəri 120 milyon ABŞ dollarıdır.
AzNews.az