Emin Ağalarov Facebook yaradıcısının bacısı ilə görüşdü- Foto
11 Mart 2014 09:34 (UTC+04:00)
Rusiyada yaşayıb fəaliyyət göstərən azərbaycanlı bəstəkar, müğənni və iş adamı Emin Ağalarov dəyərli insanlarla görüşünə davam edir.
ANS PRESS xəbər verir ki, Nyu-Yorkda səfərdə olan ifaçı bir neçə məşhurla görüş keçirib. Onlardan biri də Facebook sosial şəbəkəsinin yaradıcısı olan Mark Zükerberqin bacısı Randi Zükerberqdir.
Müğənniliklə yanaşı bəstəkar və iş adamı kimi fəaliyyət göstərən sənətçi Randi ilə kamera önünə keçib. Daha sonra isə fotonu sosial şəbəkədə "Facebook"un dahi yaradıcısı Mark Zükerberqin bacısı Randi Zükerberqlə görüş" şərhi ilə paylaşıb. Bundan əlavə olaraq Emin Ağalarov Zükerberqlə görüşdüyü üçün şad olduğunu bildirib. Facebook və İnstaqramda yerləşdirilən foto izləyicilər tərəfindən maraqla qarşılanıb.
AzNews.az