Nyu-Yorkda yaşayış binasında partlayış - 2 ölü, 17 yaralı
12 Mart 2014 20:57 (UTC+04:00)
Nyu-York şəhərində yaşayış binasında baş vermiş partlayış nəticəsində 2 nəfər ölüb, 17 nəfər xəsarət alıb.
APA-nın İTAR-TASS agentliyinə istinadən verdiyi xəbərə görə, bir neçə nəfər itkin düşmüş hesab edilir.
İlkin versiyaya görə, hadisə qaz sızması nəticəsində baş verib. Polis terror aktı versiyasını rədd edib.
Partlayış 5 mərtəbəli binada yerli vaxtla saat 10:00 radələrində olub. Hadisə yerinə 39 yanğınsöndürmə briqadası cəlb edilib.
AzNews.az