Nardaran sakinindən tapança götürüldü

15 Mart 2014 16:10 (UTC+04:00)
Bakının Nardaran qəsəbə sakinindən bir tapança götürülüb.

Bakı şəhər Baş Polis İdarəsinin mətbuat xidmətindən bildiriblər ki, Sabunçu RPİ CAŞ əməkdaşlarının keçirdiyi əməliyyat tədbirləri nəticəsində, Nardaran qəsəbə sakini Fərhad Şahbazovdan sandıqçasında 8 ədəd patronu olan 1 ədəd "Makarov" markalı tapança aşkar edilib.

Bundan başqa Sabunçu RPİ 15-ci PB-nin keçirdiyi əməliyyat tədbirləri nəticəsində, Zabrat qəsəbəsi Axundov küçəsində yaşayan Məhəbbət İsmayılovun yaşadığı evdən 1 ədəd lüləsi və qundağı kəsilmiş tək lülə ov tüfəngi və 26 ədəd patron götürülüb.

Həmçinin Nəsimi RPİ 20-ci PB-nin keçirdiyi əməliyyat tədbirləri nəticəsində, Gəncə şəhər sakini Elman Rzayevdən darağında 1 ədəd patronu olan "FN 1906" markal, 6,35 kalibirli tapança aşkar edilib.

AzNews.az