“El adəti ilə evlilik təklif etsələr, evlənərəm” – Rəqqasə Aytən

28 Mart 2014 15:32 (UTC+04:00)

"Əgər kimsə mənə el adəti ilə kəbin, "zaksla" evlilik təklif edərsə, onla evlənərəm. Amma bu şərtlə ki, təklif edən şəxs xoşuma gəlsin".

Bunu AzNews.az-a açıqlamasında oriental rəqs ifaçısı rəqqasə Aytən bildirib. Onun sözlərinə görə, ANS-in efirində "Bazar səhəri Rövşanə ilə" verilişində ailə qurmaqla bağlı mövzunun müzakirəsində ona çoxlu təkliflər gəlib: "Həmin veriliş gedəndə tamaşaçılardan mənə SMS vasitəsi ilə çoxlu evlilik təklifləri gəldi. Amma onların heç birini qəbul etmədim. Düzdür, mən onları tanımıram. Yəni, aralarında mənim tanıdığım insan yox idi. Bəlkə də SMS yazanları tanıyanlar oldu. Amma məndən əvvəl elçilərə Kübra xanım rədd cavabı verdi. Dedi ki, qızımız sənətlə məşğuldur".

Bahar
AzNews.az