31 mart hadisələri Moskvada da anılıb

31 Mart 2014 21:19 (UTC+04:00)
31 mart azərbaycanlıların soyqırımı günü münasibətiylə Azərbaycanın Moskvadakı səfirliyində təşkil olunan dəyirmi masa toplantısında Azərbaycan diasporu təmsilçiləri ilə yanaşı Rusiyanın tanınmış ictimai və siyasi xadimləri, eləcə də tarixçilər dəvət edilib.

Toplantının açılış çıxışını edən Azərbaycanın Rusiyadakı səfiri Polad Bülbüloğlu ermənilərin tarix boyu azərbaycanlılara qarşı törətdikləri vəhşiliklər barədə qonaqlara ətraflı məlumat verib.

Toplantıda azərbaycanlı tarixçi professor Solmaz Rüstəmova Tohidinin mart-iyul 1918-ci il hadisələrinə həsr olunmuş rus dilindəki kitabı da təqdim olunub.

Toplantı iştirakçıları 31 mart tarixinin beynəlxalq arenada da soyqırım günü kimi hüquqi qiymətini alacağına ümid etdiklərini dedilər.

Tədbir iştirakçıları 1918-ci ildə törədilən soyqırımla bağlı əyani vəsaitlərlə də tanış olub.