Şamaxıda ayı 35 yaşlı kişini parçaladı

6 Aprel 2014 08:43 (UTC+04:00)


Şamaxıda ayı Talışnuru kənd yolunda piyadanı parçalıyıb.

AzNews.az Kanal S-ə istinadən məlumat verir ki, Şamaxı rayon sakini 35 yaşlı Hüseynov Sədi ayının hücümuna məruz qalıb.

Sədinin sözlərinə görə, ayı onun qarşısna ani olaraq çıxıb və üzərinə hücum edib. O, bədənin müxtəlif nahiyyəsindən xəsarətlər alıb. Ayı onun boyun nahiyyəsini parçalayıb. Çətinliklə də olsa da o, ayının əlindən xilas ola bilib.

Yaxınlarına zəng etməyi bacaran yaralını dərhal ağır vəziyyətdə Şamaxı rayon Mərkəzi xəstəxanasına çatdırıblar. Zərərçəkənin sözlərinə görə, hadisə zamanı o, Talışnuru kəndindən evələrinə qaydırmış. Sözü gedən ərazi isə sıx meşəlik olub.

Qeyd edək ki, bənzər hadisə Şamaxıda ikinci dəfədir ki yaşanır. Ötən il isə rayonun Keşmədin kəndinə ayı hücum edib və 2 nəfəri yaralayıb.

AzNews.az