İranda casus terrorçular tutuldu

7 Aprel 2014 21:20 (UTC+04:00)

İranın Xuzestan əyalətində xarici kəşfiyyatla əlaqəsi olan bir qrup terrorçunun zərərsizləşdirilməsi barədə məlumat yayılıb.

ANS PRESS-in məlumatına görə, bu barədə İran İslam İnqilabı Keşikçiləri Korpusunun İctimaiyyətlə Əlaqələr şöbəsinin hesabatında qeyd olunub.

"Xarici kəşfiyyat xidmətlərinin təlimatı əsasında İranin daxilində təxribat etmək istayən qrup ölkəyə daxil olan kimi zərərsizləşdirilib."-deyə hesabatda bildirilir.

İran İslam İnqilabı Keşikçiləri Korpusu terrorçuları dərhal həbs etməyi bacarıb. Axtarış zamanı onların uzərində partlayıcı maddələr ələ keçirilib.

AzNews.az