“Boko Haram”çılar 18 dinc sakini qətlə yetirdi

16 Aprel 2014 21:30 (UTC+04:00)

Nigeriyada "Boko Haram" qruplaşmasının silahlıları ölkənin şimali-şərqindəki Borno ştatında 18 dinc sakini qətlə yetiriblər.

AzNews.az xəbər verir ki, APA-nın BBC-yə istinadən məlumatına görə, bir gün əvvəl həmin ştatda terrorçular məktəbə hücum edərək 100-dən çox məktəbli qızı girov götürüb.

Təhsil müəssisəsi Nigeriya hərbçiləri tərəfindən mühafizə olunmasına baxmayaraq, silahlılar məktəbin binasına daxil ola bilib və qızları girov götürərək naməlum istiqamətə aparıb. Hazırda polis və hərbçilər Kamerunla sərhəddəki meşələrdə axtarış aparırlar.

AzNews.az