Bu gün Azərbaycan teatr səhnəsinin əvəzolunmazlarından biri olan Səyavuş Aslanovun doğum günüdür. Görkəmli aktyor 1935-ci il sentyabrın 5-i Bakı şəhərində anadan olub. Aktyorluğa həvəskar kimi dram dərnəyindən başlayıb. 1954-cü ildə az müddət musiqili komediya estrada truppasında, 1958-ci ildə Quba Dövlət Dram Teatrında işləyib.
Uzun illər Azərbaycan Dövlət Musiqili Komediya Teatrının aparıcı aktyorlarından olub. Bir müddət həmin teatrın bədii rəhbəri işləyib. Fəaliyyəti dövründə bir çox rollara öz imzansını atan Səyavuş Aslan bu gün 77 yaşının qeyd edir. "Saqqal Ramiz" , "Mustafa" , "Fərəcov", "Nadir" və sairə bunun kimi yüzlərlə rola imza atmış aktyor səmərəli fəaliyyətinə görə 1974-cü ildə Azərbaycan Respublikasını əməkdar artisti, 1982-ci ildə xalq artisti fəxri adları ilə təltif olunub. Prezident təqaüdçüsüdür.
Redaksiyamız adından aktyora uzun ömür can sağlığı arzu edirik.