Çində taun qorxusu - Şəhərə giriş-çıxış bağlandı
23 İyul 2014 16:00 (UTC+04:00)
Çinin Qansa vilayətinin Yumen şəhəri bir nəfərin ağciyər taunundan ölməsi il əlaqədar 9 gün müddətinə bağlanıb.
AzNews.az-ın yerli mediaya istinadən verdiyi məlumata görə, şəhərin sakinlərinə yaşayış məntəqəsini 9 gün ərzində tərk etmək qadağan olunub. Səbəb isə ağciyər taununun yayılma təhlükəsinin ciddi olmasıdır.
Məlumatda o da qeyd olunub ki, 38 yaşlı kişi heyvan cəsədi tapıb və ondan iti üçün yemək bişirib. Daha sonra 2 gün qızdırmadan əziyyət çəkən həmin şəxs xəstəxanaya çatdırılıb. Həkimlər onun həyatını xilas edə bilməyiblər.
Qeyd edək ki, ağciyər taunu hava damcıları ilə ötürülür.
Aydan Axundova
AzNews.az