Goranboy İH-dən cəbhədəki son vəziyyətlə bağlı - AÇIQLAMA

4 Avqust 2014 12:08 (UTC+04:00)

Ermənilər tərəfindən Goranboy rayonunun Tapqaraqoyunlu kəndi iriçaplı silahlardan əsasən gecələr atəşə tutulur. Bunu AzNews.az-a Goranboy rayonun icra başçısının köməkçisi Fuad ƏIiyev bildirib.

Onun sözlərinə görə, hər axşam atəş səsləri eşidilir: "Düzdür, bu atışma əvvəlki günlərə nisbətən azalıb, amma təəssüflər olsun ki, belə hallar tez-tez müşahidə olunmaqdadır".

Şöbə müdiri yaranmış gərginliklərlə bağlı sərhəd kəndlərinin boşaldılması xəbərinə də münasibət bildirib: "Bunlar əsassız fikirlərdi. Kənd sakinləri arasında elə də güclü narahatçılıq hiss olunmur".

AzNews.az