Bakıda iki qardaş tutuldu
15 Avqust 2014 09:29 (UTC+04:00)
Bakı şəhər Baş Polis İdarəsindən anspress-ə verilən məlumata görə, əməliyyat Sabunçu rayon Polis İdarəsi 12-ci polis bölməsi əməkdaşları tərəfindən həyata keçirilib.
Keçirilən əməliyyat nəticəsində oğurluqda şübhəli bilinən Elnur Yaqubov və qardaşı Elmir Yaqubov tutulub.
Araşdırmalar zamanı məlum olub ki, onlar aprelin 2-də Vüqar Mirimovun Q.Vəzirov küçəsindəki evindən 3000 manat, noutbuk və qızıl-zınət əşyaları oğurlayıblar. Bundan başqa, qardaşlar mayın 23-də həmin küçədə Ramil Alıyevin evindən mobil telefon, iyunun 12-nə keçən gecə isə rayon ərazisində yerləşən xəstəxanada Qurban Orucova məxsus 2 ədəd mobil telefonu oğurlayıblar.
Faktla bağlı araşdırma aparılır.
AzNews.az