“Qanlı göl"ün ətrafı sökülür - VİDEO
20 Avqust 2014 11:38 (UTC+04:00)
ANS TV-nin məlumatına görə, Yasamal rayonunuda "Qanlı göl" ətrafında məskunlaşmış məcburi köçkülər evlərinin sökülməsindən şikayətlənirlər. Ötən əsrin 90-cı illərin əvvəllərindən bu ərazidə Kəlbəcər, Laçın, Cəbrayıldan olan məcburi köçkünlər məskunlaşıb. Həmin şəxslər əvvəllər yataqxanalarda yerləşdiriliblər, sonradan öz mənzil şəraitlərini yaxşılaşdırmaq məqsədilə bu əraziyə köçüblər. Yəni məcburi köçkünləri heç kim qanuni şəkildə bura köçürməyib və bu illər ərzində onlara gözün üstə qaşın var deməyiblər. Amma təxminnən bir həftədir ki, Yasamal rayon icra hakimiyyəti onların köhnə tikililərinə etdikləri əlavə artırmaları söküb. Bu da tərəflər arasında gərginliylə səbəb olub.
Yasamal rayon İcra Hakimiyyəti başçısının müavini Səməd İslamov isə deyir ki, bu ərazi vaxtilə Elmlər Akademiyasının torpaqları olub və məcburi köçkünlərdə əslində 1996-ci ildən bura köçməyə başlayıblar.
Həmin dövrdə də 160-a yaxın evin sökülməsilə bağlı qərar verildi. Sonradan baş nazirin müavini Əli Həsənov məsələni nəzarətə götürdü, məcuri köçkünlərlə söhbət aparıldı. Onların orda yaşamasına bir şərtlə razılıq verildi ki, heç bir əlavə tikinti işləri aparlımayacaq. Amma bir ay əvvəl müəyən edilib ki, orada yenə də əlavə artırmalar tikilir. Həmçinin müəyyən edilib ki, nəinik məcburi köçkünlər hətta müxtəlif rayonlardan olan şəxslər də gəlib, məcburi köçkünlərdən torpaq sahələri alaraq evlər tikiblər. Bundan sonra icra hakimiyyətində sonradan tikilimiş həmin evlərin sökülməsinə və bu işə göz yumanların cəzalandırılmasına qərar verilir.
Həmçinin sökülən boş torpaq sahələrinin alındığı qanunsuz hasarlar olur. İcra rəsmisi bildirdi ki, məcburi köçkünlərin bu ərazidən köçürülməsi aktualdır. Onlar bunu bildikləri üçün əlavə artırmalarla gələcəkdə hökümətdən çox pul qazanmaq niyyətindədirlər. Lakin buna heç bir halda yol verilməyəcək. Odur ki, məburi köçkünlər hazırda yaşadıqları şəraiti dəyişdirməyə cəhd etməsinlər.
AzNews.az