Polşa qəzeti Azərbaycan muğamı haqqında yazdı

25 Avqust 2014 21:40 (UTC+04:00)

Polşanın "Kurier Poludniowy" qəzetində Azərbaycan muğamı haqqında məqalə dərc edilib.

Azərbaycanın Polşadakı səfirliyindən AzNews.az-a verilən məlumata görə, məqalədə muğamın qədim tarixə malik olduğu və UNESCO tərəfindən Bəşəriyyətin şifahi və qeyri-maddi şah əsərləri siyahısına daxil edildiyi bildirilir.

Yazıda muğam musiqisinin ifa edilməsində istifadə olunan alətlər və xanəndənin oxuma tərzi haqqında ətraflı məlumat verilir. Azərbaycan muğamının dünya incəsənət inciləri xəzinəsinə əvəzolunmaz töhfə verdiyi qeyd olunur.

AzNews.az