Model Gövhər Həsənzadədən ayrıldı, “BMW”nin siması seçildi – EKSKLÜZİV – FOTO

14 Sentyabr 2012 09:32 (UTC+04:00)
Tanınmış model Ruslan Mehdiyev Əməkdar incəsənət xadimi, bəstəkar Gövhər Həsənzadəylə iş birliyinə son qoyub. AzNews.az-a danışan model söyləyib ki, bəstəkarla ayrılmsına səbəb, Rusiyda yaşaması və orada çalışması olub. O, G.Həsənzadəylə dost münasibətində olduğunu deyib.

Model Rusiyanın Sankt-Peterburq şəhərində yaşayır və orada model fəaliyyətini davam etdirir: "Dünyanın məşhur avtomobil markası "BMW" şirkətininin siması seçilmişəm. Şirkətin reklam çarxlarına çəkilmişəm və hazırda reklam Rusiya televiziyalarında yayımlanır. Bundan başqa, Sankt-Peterburqda iki verilişdə qonaq olmuşam. "Dom2" verilişinə də dəvət ediblər".

Qeyd edək ki, R.Mehdiyev "Mister Azerbaijan 2005" və "İlin modeli 2011" qalibidir.

Fuad Mədətov
AzNews.az