“Toyota” dirəyə çırpıldı - Sürücü öldü
22 Oktyabr 2014 09:08 (UTC+04:00)
Bu gecə Bakının Nərimanov rayonunda ölümlə nəticələnən qəza baş verib. Nərimanov rayon Polis İdarəsindən ANS PRESS-ə verilən məlumata görə, Müzəffər Nərimanov küçəsi ilə Heydər Əliyev prospektinin kəsişməsindəki yeni istifadəyə verilmiş tuneldə "Toyota Land Cruiser" markalı avtomobil beton dirəyə çırpılıb.
Qəza nəticəsində avtomobilin sürücüsü 1961-ci il təvəllüdlü Sabir Məmmədəli oğlu Məmmədov hadisə yerində dünyasını dəyişib.
Faktla bağlı araşdırma aparılır.