“Altılıq”-İran danışıqlarında ciddi irəliləyiş əldə olunmadı

22 Noyabr 2014 21:50 (UTC+04:00)

APA-nın "RİA Novosti"-yə istinadən verdiyi xəbərə görə, bu barədə "Frans-Press"-ə Vyanadakı danışıqlarda mənbə bildirib.

"Danışıqlarda əhəmiyyətli irəliləyiş yoxdur, hətta bazar ertəsinədək müəyyən olunmuş ən son müddətdə də razılaşmaya nail olunmayacağı ehtimal edilir", deyə mənbə bildirib.

Qeyd edək ki, yaxın saatlarda ABŞ dövlət katibi Con Kerri, İran XİN rəhbəri Məhəmməd Cavad Zərif və "altılığın" əlaqələndiricisi Ketrin Eşton arasında növbəti görüşün keçiriləcəyi gözlənilir.

Bundan əvvəl KİV-lər Tehran və "altılıq" arasında baza çərçivə sazişinin əldə olunduğunu bildirmişdilər.