“Azərbaycan ağıllı rəhbərlərinə görə şanslıdır”
19 Dekabr 2014 12:20 (UTC+04:00)
AzNews.az APA-ya istinadən xəbər verir ki, bunu Azərbaycan alimlərinin I Qurultayında məşhur alim Lütfü Zadə video-müraciətində söyləyib.
L. Zadə bildirib ki, ətrafındakı qeyri-sabitlik Azərbaycana təsir etməyib: "Azərbaycanın uzaqgörən rəhbərliyi, neft-qaz kimi ehtiyatı var. Bu sərvətlər Azərbaycanın çoxlu təşəbbüs irəli sürməsinə imkan verir. Kosmosa çıxış, "Eurovision" və digər təşəbbüslər Azərbaycanı dünya miqyasında tanıdır".
L. Zadə qeyd edib ki, əsas məsələ rəqabət qabiliyyətliliyin artırılmasıdır: "Azərbaycanın gələcəyi ilə bağlı optimistəm. Azərbaycan və Azərbaycanın insanları həmişə qəlbimdə olacaqlar".